Wanem for Talem Abaotem Olketa Magasin

Wastaoa Mar. 15

“Pipol evriwea long world tinghae tumas long teaching bilong Jesus. [Readim toktok bilong wanfala man long page 3, paragraf 1.] Bat waswe, iu ting disfala teaching bilong hem long Matthew, hem fitim iumi distaem? [Readim Matthew 5:21, 22a. Letem hem ansa.] Disfala magasin hem storyim samting wea Jesus teachim and wei wea diswan savve helpem iumi.”

Awake! Mar. 22

“Plande pipol laekem tumas olketa maunten from olketa luk naes tumas, bat waswe, iu savve tu hao olketa maunten duim bigfala waka for helpem evri samting long earth for laef? [Letem hem ansa.] Disfala magasin hem storyim why nao iumi needim olketa maunten and wanem nao happen long olketa distaem. Hem storyim tu hao Creator bae sevem olketa maunten hia, wea hem wanfala important samting for helpem iumi.” Readim Psalm 95:4.

Wastaoa Apr. 1

“Waswe, iu herem tu hao samfala pipol sei science and Bible, tufala againstim each other? [Letem hem ansa.] Disfala magasin hem showimaot olketa samting wea mekem science and religion againstim each other for longfala taem finis. And hem storyim tu olketa samting wea pruvim hao science hem no againstim Bible.” Showim page 6-7. Then readim Ecclesiastes 1:7.

Awake! Apr. 8

“Long tingting bilong iu, hao nao parents savve helpem pikinini bilong olketa for missim olketa problem wea plande kasem taem olketa teenager? [Letem hem ansa. Then readim Isaiah 48:17, 18.] Disfala magasin storyim hao wei for followim kaonsel insaed Bible savve helpem parents for story gud witim pikinini bilong olketa and for markem olketa goal for olketa wea balance.”