Niu Spesol Assembly Day Program

God designim eye long barava spesol wei. (Ps. 139:14) Nomata olsem, eye no savve lukluk gud long tufala samting long semtaem. Datwan hem tru long really wei and tokpiksa wei. For iumi keepim spiritual wei for lukluk hem klia, wei for duim will bilong God mas main samting long laef bilong iumi. From world bilong Satan garem staka samting for mekem iumi luk go difren, hem barava fitim for spesol assembly day program for 2006 service year story raonem theme “Keepim Eye Bilong Iu Simpol”!—Matt. 6:22.

Wanem nao iumi savve duim mekem iumi kasem olketa blessing from Jehovah? (Prov. 10:22) Bae iumi ting raonem datfala kwestin long tok, “Kasem Olketa Blessing From Wei for Keepim Eye Simpol.” Olketa interview bae mekhae long hao iumi savve kasem olketa gud samting from wei for followim olketa Bible principle. Firstfala tok bilong visiting speaker, “Keepim Eye Simpol Long World wea Wicked,” bae warnim iumi abaotem olketa samting wea savve mekem laef bilong iumi busy tumas and isisi datwan stopem iumi for grow long spiritual wei. Bae iumi lanem tu wanem nao insaed long wei for chusim “gudfala samting.”—Luke 10:42.

Hao nao parents and olketa narawan savve encouragem olketa young Christian for aftarem olketa spiritual samting? Tufala tok wea garem title, “Parents wea Sutim Arrow Bilong Olketa Go Stret” and “Olketa Young Wan wea Trae Hard for Kasem Olketa Spiritual Goal” bae garem olketa interview wea parents and olketa young wan story abaotem olketa samting wea join witim datfala important kwestin. (Ps. 127:4) Lastfala tok bilong visiting speaker bae storyim hao iumi wanwan, olketa famili, and kongregeson savve muv ahed witim organization bilong Jehovah.

Nomata iumi just start nomoa for savve long truth or iumi servem Jehovah for plande year finis, hem barava important for iumi ‘keepim eye bilong iumi simpol.’ Datfala spesol assembly day program bae barava helpem iumi for duim datwan.