(1) Wanfala Kwestin, (2) Wanfala Scripture, and (3) Wanfala Chapter
Isi wei for givimaot Wanem Nao Really Samting wea Bible Teachim? buk hem for (1) askem kwestin for man ting raonem, (2) readim wanfala scripture wea fitim, and (3) showim chapter insaed buk wea storyim sem samting and readim olketa kwestin wea stap anda long title bilong datfala chapter. Sapos haosholder hem interest, maet iu iusim olketa firstfala paragraf bilong datfala chapter for showim Bible study long hem. Iu savve iusim disfala wei for startim Bible study taem iu firstaem meetim man or taem iu duim return visit.
◼ “Long tingting bilong iu, waswe, olketa man fit for savve long olmaeti Creator bilong iumi, olsem Bible talem?” Readim Acts 17:26, 27, and letem hem ansa. Bihaen storyim chapter 1.
◼ “From olketa problem wea kasem iumi distaem, long tingting bilong iu, waswe, iumi savve kasem comfort and hope olsem disfala scripture talem?” Readim Romans 15:4, and letem hem ansa. Bihaen storyim chapter 2.
◼ “Sapos iu garem paoa for duim diswan, waswe, bae iu mekem olketa change olsem kamap?” Readim Revelation 21:4, and letem hem ansa. Bihaen storyim chapter 3.
◼ “Long tingting bilong iu, waswe, enitaem long future olketa pikinini bilong iumi bae kasem kaen laef olsem disfala song bilong bifor talem?” Readim Psalm 37:10, 11, and letem hem ansa. Bihaen storyim chapter 3.
◼ “Long tingting bilong iu, waswe, enitaem long future disfala toktok hia bae kamap tru?” Readim Isaiah 33:24, and letem hem ansa. Bihaen storyim chapter 3.
◼ “Waswe, enitaem iu ting raonem sapos olketa wea dae finis savve long wanem iumi duim?” Letem hem ansa. Bihaen readim Ecclesiastes 9:5, and storyim chapter 6.
◼ “Long tingting bilong iu, waswe, bae iumi lukim moa olketa wea iumi lovem wea dae finis, olsem wanem Jesus talem long scripture hia?” Readim John 5:28, 29, and letem hem ansa. Bihaen storyim chapter 7.
◼ “Long tingting bilong iu, wanem nao savve mekem will bilong God for kamap long earth olsem long heven, olsem disfala prea wea staka pipol savve long hem talem?” Readim Matthew 6:9, 10, and letem hem ansa. Bihaen storyim chapter 8.
◼ “Long tingting bilong iu, waswe, iumi stap insaed long taem wea disfala profesi storyim?” Readim 2 Timothy 3:1-4, and letem hem ansa. Bihaen storyim chapter 9.
◼ “Plande pipol laek for savve why nao hem luk olsem olketa problem bilong man hem kamap moa worse distaem. Waswe, enitaem iu tingim disfala ansa?” Readim Revelation 12:9, and letem hem ansa. Bihaen storyim chapter 10.
◼ “Waswe, enitaem iu laek for savve long ansa bilong kaen kwestin olsem?” Readim Job 21:7, and letem hem ansa. Bihaen storyim chapter 11.
◼ “Long tingting bilong iu, waswe, wei for followim disfala advaes from Bible bae helpem pipol for garem hapi famili?” Readim Ephesians 5:33, and letem hem ansa. Bihaen storyim chapter 14.
Iu savve raetem wanfala Bible study long report pepa sapos iu conductim study tufala taem bihaen iu showim study long firstaem and iu lukim hao study hia bae gohed gud.