Wanem for Talem Abaotem Olketa Magasin

Wastaoa January-March

“Waswe, iu tingse hasband and waef wea followim disfala toktok long Bible bae helpem marit bilong tufala gohed gud? [Readim Job 31:1. Weit for hem ansa.] Disfala magasin storyim samfala samting wea Bible talem wea savve helpem hasband and waef for gohed strongim marit bilong tufala.” Showim story wea start long page 22.

Awake! January

“Staka pipol tingse God nao panisim olketa taem olketa kasem problem. Waswe, iu ting olsem tu? [Weit for hem ansa. Then readim James 1:13.] Disfala magasin bae helpem iu for savve why olketa problem kamap and klosap nao evri problem bae finis.” Showim datfala story wea stap long page 28.

The Watchtower February 1

“Waswe, iu tingse God hapi long evri religion? [Weit for hem ansa.] Tingim samting wea Jesus talem. [Readim Matthew 15:​8, 9.] Disfala magasin hem storyim sapos God hapi long evri wei for worship or nomoa.” Showim datfala story wea stap long page 9.

Awake! February

“Evri samting wea God wakem long disfala earth hem for mekem laef for gohed. Waswe, iu tingse diswan happen seleva, or waswe, iu bilivim samwan nao wakem evri samting hia? [Weit for hem ansa.] Staka pipol agree witim disfala verse. [Readim Psalm 104:24.] Disfala magasin story raonem olketa pruv wea science and Bible showimaot hao wanfala God nao wakem evri samting.”