Wanem for Talem Abaotem Olketa Magasin

The Watchtower Sept. 15

Talem wanfala nius wea happen long area bilong iu. Then ask olsem: “Waswe, iu tingse disfala verse long Bible hem storyim taem bilong iumi distaem? [Readim 2 Timothy 3:1, and letem hem ansa.] Disfala article hem lukluk gud long olketa pruv wea showimaot iumi stap long olketa last day and hem showim wanem iumi shud duim.”

Awake! Sept.

“Plande pipol tingse God nao creatim iumi. Samfala tingse iumi kamap seleva nomoa. Wanem nao tingting bilong iu? [Letem hem ansa.] Lukim olketa toktok long hia wea savve helpem iumi for savve long stret ansa. [Readim Job 12:​7, 8.] Disfala spesol Awake! magasin story abaotem wanem iumi savve lanem from wisdom and design wea iumi savve lukim long olketa samting bilong nature.”

Wastaoa Oct. 1

“Distaem samfala pipol feel olsem olketa insaed marit wea no garem love and olketa no savve wanem for duim. Wea nao pipol olsem savve kasem help? [Letem hem ansa.] Bible promisim iumi hao olketa principle bilong God savve helpem iumi. [Readim Isaiah 48:17,18.] Disfala Wastaoa magasin storyim olketa Bible principle wea savve strongim wanfala marit.”

Awake! Oct.

“Klosap evriwan laekem wei for lukluk long television. Bat waswe, iu tingse iumi shud chusim gud wanem iumi lukluk long hem? [Letem hem ansa. Then readim Proverbs 13:20.] Disfala magasin story abaotem hao television savve affectim iumi, and hem givim samfala idea long hao for kontrolem wanem nao iumi lukluk long hem.”