Wanem for Talem Abaotem Olketa Magasin

The Watchtower Sept. 15

“Mi laek herem tingting bilong iu abaotem wanem disfala scripture hem talem. [Readim Deuteronomy 32:4.] Waswe, iu enitaem tingim why nao barava nogud samting and wei for safa hem kamap big tumas long world sapos God garem bigfala paoa and duim stret samting? [Letem hem ansa.] Disfala magasin hem explainim why God letem nogud samting for gohed kam kasem distaem.”

Awake! Sept.

“Plande long iumi laekem gudfala health and for laef longtaem. Waswe, iu tingse wei for evritaem tingim gud saed savve mekem health bilong iumi kamap moabeta? [Letem hem ansa. Then readim Proverbs 17:22.] Disfala article hem storyim why wei for keepim fasin for tingim gud saed hem gud samting.” Showim article wea start long page 26.

Wastoa Oct.1

“Samfala pipol tingse sapos olketa garem staka selen bae olketa hapi. Waswe, iu tingse diswan hem tru? [Letem hem ansa.] Tingim samting wea Jesus hem talem. [Readim Acts 20:35.] Disfala magasin storyim samting wea savve mekem iumi hapi long laef.”

Awake! Oct.

“Waswe, iu tingse distaem hem barava danger tumas for olketa pikinini winim bifor? [Letem hem ansa.] Plande pipol sei iumi stap insaed long taem wea disfala scripture storyim. [Readim 2 Timothy 3:​1-5.] Disfala magasin hem givim samfala gud idea wea parents savve iusim for protectim olketa pikinini bilong olketa from pipol wea savve spoelem pikinini saed long sex.”