Wanem for Talem Abaotem Olketa Magasin

Wastaoa Sept. 15

“Pipol evriwea long earth herem story abaotem Jesus Christ. Samfala sei hem wanfala barava spesol man nomoa. Olketa narawan worshipim hem olsem Olmaeti God. Waswe, iu tingse hu nao Jesus Christ? [Letem hem ansa.] Disfala magasin barava storyim klia hu nao hem, wea nao hem kam from, and wea nao hem stap distaem.” Readim John 17:3.

Awake! Sept. 22

“Plande pipol no fit for wakem and garem gud haos for stap insaed. Waswe, iu tingse enitaem long future evriwan bae garem olketa naesfala haos for stap long hem? [Letem hem ansa.] Disfala Awake! hem garem niufala report abaotem datfala problem. Hem showim iumi tu why iumi savve trustim disfala promis bilong God wea bae kamap tru.” Readim Isaiah 65:21, 22.

Wastaoa Oct. 1

Readim kwestin wea stap long kava bilong magasin. Then askem haosholder: “Iu tingse wanem saen nao diswan storyim? [Letem hem ansa. Then readim Matthew 24:3.] Disfala Wastaoa storyim faevfala main samting abaotem datfala saen and explainim why iumi need for luksavve long hem.” Showim box long page 6.

Awake! Oct. 8

“Rong wei for iusim alcohol savve kosim staka problem. Disfala magasin hem showim wanem alcohol hem duim long body. [Showim piksa long page 7.] Olketa article hia storyim hao pipol savve kamap free from wei for drinkim tumas alcohol and wanem olketa narawan savve duim for help.”