Wanem for Talem Abaotem Olketa Magasin

The Watchtower Dec. 15

“Long disfala taem bilong year, plande pipol tingim samting wea olketa angel talem taem Jesus hem born. [Readim Luke 2:14.] Waswe, iu tingse earth bae really garem peace? [Letem hem ansa.] Disfala magasin hem storyim wei wea klosap nao Jesus bae mekem really peace kamap long earth.”

Awake! Dec.

“Olketa religion garem difren tingting abaotem wei for iusim alcohol. Iu tingse wanem nao tingting bilong God abaotem diswan? [Letem hem ansa.] Nomata firstfala mirakol bilong Jesus hem for mekem wata kamap wine, Bible hem givim tu disfala warning. [Readim Proverbs 20:1.] Disfala article hem explainim tingting bilong Bible abaotem diswan.” Storyim article wea start long page 18.

Wastaoa Jan. 1

“For sure iu herem story abaotem taem wea God bae distroem disfala wicked world. Taem iu lukluk long evri problem wea kamap long world, waswe, iu tingse datfala taem hem klosap nao? [Letem hem ansa.] Lukim samting wea Bible talem abaotem tingting wea iumi shud garem abaotem diswan. [Readim Habakkuk 2:3.] Disfala magasin hem storyim wanem nao iumi mas duim for mekem iumi ‘gohed for tingim and weitim’ datfala day.”

Awake! Jan.

“Waswe, iu ting diswan bae kamap tru enitaem? [Readim Isaiah 33:24. Then letem hem ansa.] Disfala magasin hem explainim wanem olketa scientist saed long medical olketa duim distaem and hao promis bilong Bible bae fulfill.”