Wanem for Talem Abaotem Olketa Magasin

Wataoa Dec. 15

“Long disfala taem, long staka difren wei pipol evriwea long world rememberim taem wea Jesus born. Waswe, iu savve tu hao profesi long Bible joinim datfala samting wea happen witim wei wea peace bae stap for olowe? [Letem hem ansa. Then readim Isaiah 9:6, 7.] Disfala magasin explainim hao nao peace hia bae kamap.”

Awake! Dec. 22

“Waswe, iu lukim hao distaem pipol mekhae tumas long lukluk bilong man? [Letem hem ansa.] Disfala magasin storyim samfala danger long wei for ova tumas for wari abaotem lukluk. Hem mekhae tu long wei for luk naes wea barava important.” Readim 1 Peter 3:3, 4.

Wastaoa Jan. 1

“Klosap evri religion teachim hao pipol shud lovem neiba. [Readim Matthew 22:39.] Sapos olsem, why nao iu ting religion join insaed staka war and raoa? [Letem hem ansa.] Disfala Wastaoa story raonem disfala kwestin: Waswe, religion savve mekem evri man wan mind?”

Awake! Jan. 8

“Wanem nao ansa bilong iu for disfala kwestin? [Readim kwestin long front kava. Then letem hem ansa.] Olketa samting bilong earth kwiktaem gogo for finis. Nomata olsem, lukim promis hia wea givim hope long man. [Readim Psalm 104:5.] Disfala Awake! explainim hao klosap nao earth bae kamap gud moa.”