Wanem for Talem Abaotem Olketa Magasin

Wastaoa Dec. 15

“Plande pipol no hapi long wei wea olketa bisnisman mekius long taem bilong Christmas and New Year for mek selen nomoa. Waswe, iu tingse pipol no tinghae nao long reason for celebratem Christmas and New Year? [Letem hem ansa.] Disfala magasin storyim hao wei for celebratem Christmas and New Year hem change plande taem insaed history. Hem storyim tu stretfala wei wea iumi savve honorim God and Christ.” Readim John 17:3.

Awake! Dec. 22

“Samting olsem 85 year go pas finis from taem wea wanfala sik hem killim dae barava staka pipol insaed 24 week winim namba bilong pipol wea dae long AIDS insaed 24 year. Samfala sei disfala sik hem barava worse kaen sik long history. Waswe, iu savve long disfala sik Spanish flu? [Letem hem ansa.] Disfala magasin storyim sapos samting olsem maet savve happen moa. Hem storyim tu reason for garem hope.” Readim Isaiah 33:24.

Wastaoa Jan. 1

“Olketa man savve duim staka gud samting, nomata olsem, plande taem olketa duim barava nogud samting tu. Waswe, enitaem iu ting, why nao hem olsem? [Letem hem ansa.] Disfala magasin talem ansa for diswan from Bible. Hem explainim tu hao gud samting bae gogo winim nogud samting.” Readim Romans 16:20.

Awake! Jan.

“Waswe, enitaem iu ting, disfala world bae hao bihaen 20 or 30 year? [Letem hem ansa. Then readim Psalm 119:105.] Bible torchim road wea stap front long iumi mekem iumi luksavve long wanem bae kamap long future. Disfala magasin storyim olketa profesi wea showimaot wanem taem nao iumi stap long hem distaem and why iumi savve luk forward for gudfala future.”