Wanem for Talem Abaotem Olketa Magasin

The Watchtower Nov. 15

“Iumi evriwan laek for garem laef wea hapi and satisfae. Waswe, iu agree witim wanem Jesus talem abaotem main samting for mekem man hapi? [Readim Matthew 5:3. Letem hem ansa.] Disfala magasin showimaot hao wei for worshipim God nao mekem iumi hapi and satisfae.”

Awake! Nov.

“Olketa samting saed long science long disfala taem hem mekem pipol tingse Bible hem no savve helpem olketa. Wanem nao tingting bilong iu abaotem diswan? [Letem hem ansa.] Waswe, iu savve hao evri samting long Bible wea story abaotem science hem stret? [Readim Job 26:7.] Disfala spesol Awake! magasin hem helpem iumi for barava trustim Bible.”

Wastaoa Dec. 1

“Long tingting bilong iu, why nao hem stret for God rul ovarem evri samting? [Letem hem ansa. Readim Psalms 103:19.] Disfala magasin hem savve helpem iumi for luksavve why hem stret for God rul ovarem evri samting and hao iumi savve sapotim rul bilong hem.”

Awake! Dec.

“Samfala pipol tingse taem man hem dae hem bae laef long nara ples. Olketa narawan tingim hao dae hem end long laef bilong man. Long tingting bilong iu, waswe, dae hem samting for man fraetem? [Letem hem ansa.] Nomata Job savve hem bae dae, lukim samting wea hem talem abaotem datwan. [Readim Job 14:14, 15.] Disfala magasin hem barava storyim klia from Bible wanem hem happen long iumi taem iumi dae.”