Wanem for Talem Abaotem Olketa Magasin

The Watchtower Nov. 15

“Taem pipol lukim plande pipol long world duim nogud samting, maet samfala sei olsem, ‘For wanem nao mi trae hard for duim gud samting?’ Waswe, iu herem samfala talem datwan tu? [Letem hem ansa.] Mi laek showim iu disfala toktok wea savve encouragem iumi. [Readim Proverbs 2:​21, 22.] Disfala magasin storyim main reason why iumi mas garem gudfala fasin.”

Awake! Nov.

“Samfala tingse God nao bihaenem evri samting wea happen. Long tingting bilong olketa, sapos eni trabol kamap, maet datwan hem bikos wanfala man duim samting for mekem God feel nogud dastawe God mekem datfala trabol kamap. Waswe, iu ting olsem tu? [Letem hem ansa. Then readim James 1:​13.] Disfala magasin showim samting wea Bible talem abaotem wanem nao mekem iumi safa and samting wea God bae duim for finisim datwan.”

Wastaoa Dec. 1

“Waswe, iu lukim hao long plande ples distaem olketa neiba no savve gud long each other olsem bifor? [Letem hem ansa.] Jesus talem wanfala important samting wea savve helpem man for kamap gudfala neiba. [Readim Matthew 7:12.] Disfala article showim hao iumi savve kamap gud neiba and hao for encouragem nara pipol for duim datwan tu.”

Awake! Dec.

“Long tingting bilong iu, hu nao barava nambawan man winim evri narafala man? [Letem hem ansa.] Plande pipol ting Jesus nao barava nambawan. Lukim samting wea bae hem duim for disfala earth taem hem Ruler insaed Kingdom bilong God. [Showim piksa long page 8-9, and readim wanfala scripture wea olketa raetem long there.] Disfala magasin hem storyim hao Jesus bae duim diswan and wanem taem bae hem duim.”