Wanem for Talem Abaotem Olketa Magasin

Wastaoa Nov. 15

“Plande pipol laek for savve why nao olketa problem long disfala world kamap moa worse. Waswe, enitaem iu tingim hao maet samting wea disfala verse talem hem reason for diswan? [Readim Revelation 12:9. Letem hem ansa.] Disfala magasin storyim olketa trik wea Devil iusim for giamanim pipol and hao iumi savve againstim wei wea hem trae for pullim iumi.”

Awake! Nov. 22

“Nomata earth hem garem inaf kaikai for evriwan, samting olsem 800 million pipol no garem inaf kaikai. Datwan hem sorre samting, iaman? [Letem hem ansa.] Disfala magasin hem storyim hao hem kamap moa and moa hard for feedim pipol long olketa bigfala taon. Hem storyim tu promis long Bible abaotem wanfala world wea pipol bae no hangre.” Readim Psalm 72:16a.

Wastaoa Dec. 1

“Taem pipol herem disfala word ‘Armageddon,’ staka tingim wanfala barava nogud samting wea bae finisim evriwan long earth. [Showim box long page 3.] Waswe, bae iu sapraes for lanem hao really, Armageddon hem wanfala long olketa best samting wea savve kasem iumi? [Letem hem ansa.] Disfala magasin hem explainim why hem olsem.” Readim 2 Peter 3:13.

Awake! Dec. 8

“Mi laek for story long iu abaotem wanfala taem long future wea evriwan bae garem gudfala ples for stap. Hem sorre samting hao barava staka pipol no garem ples for stap, iaman? [Letem hem ansa. Then readim Isaiah 65:21, 22.] Disfala magasin story abaotem olketa samting wea mekem disfala problem kamap. Hem explainim tu hao God bae fulfillim disfala promis wea iumi just read abaotem.”