Wanem for Talem Abaotem Olketa Magasin

Wastoa Apr-Jun.

“Staka pipol savve gud long story long Bible abaotem Noah and datfala flood. Waswe, iumi savve lanem eni samting from wei wea God sevem Noah? [Readim Matthew 24:37] Disfala magasin storyim why God sevem Noah, and wanem iumi savve lanem abaotem wei bilong Noah.”

Awake May

Readim Matthew 6:​10. Bihaen, askem hem olsem: “Waswe, iu ting raonem tu wanem God laek duim for disfala earth? [Weit for hem ansa.] Bible talem hao start kam from creation, God garem plan finis for disfala earth and datfala plan hem no change. Disfala magasin hem storyim datwan.” Showim datfala story wea stap long page 10.

The Watchtower June 1

“Wanfala story long Bible wea staka pipol savve gud nao hem story abaotem Noah and datfala Flood. Waswe, hem tru Flood hem kamap? [Weit for hem ansa.] Jesus storyim hao datfala Flood hem tru wan. [Readim Luke 17:26, 27.] Disfala magasin storyim why iumi savve bilivim hao datfala story abaotem Flood hem tru and wanem iumi savve lanem from datwan.”

Awake June

“Wei for lanem pikinini hem no isi samting, and diswan hem tru taem pikinini hem big. Long tingting bilong iu, wanem nao bae helpem olketa dadi and mami? [Weit for hem ansa. Bihaen, readim Isaiah 48:17, 18.] Disfala magasin savve helpem olketa dadi and mami for iusim gudfala savve and wei for minim samting.”