Wanem for Talem Abaotem Olketa Magasin

Wastaoa July-September

“Wanem nao tingting bilong iu abaotem toktok bilong Jesus long hia? [Readim John 3:3.] Wanem nao hem minim for born moa? [Weit for hem ansa.] Stretfala savve abaotem toktok bilong Jesus bae changem laef and hope bilong iumi. Disfala magasin hem storyim why nao olsem.”

Awake! May

“Samfala pipol preachim hao sapos God hapi long iumi, hem bae givim iumi staka samting. Bat maet iu savve long samfala gud pipol wea no garem staka samting. Waswe, iu ting God laekem iumi for garem staka samting? [Weit for hem ansa. Then readim Hebrews 13:5.] Disfala magasin storyim hao God savve blessim iumi.” Showim story wea start long page 12.

The Watchtower June 1

“Staka pipol lukaotem help for lanem pikinini and for lukaftarem gud famili bilong olketa. Iu tingse wea nao iumi savve kasem help olsem? [Weit for hem ansa.] Staka no tingim wea nao olketa gudfala toktok olsem hem kam from. [Readim 2 Timothy 3:​16.] Disfala magasin storyim why iumi savve trustim Bible and hem storyim tu samfala gud toktok wea kam from Bible.”

Awake! June

“Staka pipol tingse hem no stret for killim dae baby insaed bele, bat samfala tingse hem olraet nomoa. Waswe, iu tingse Bible savve helpem man for savve wanem for duim? [Weit for hem ansa. Then readim 2 Timothy 3:​16, 17.] Disfala magasin storyim wanem Bible talem abaotem diswan.”