Wanem for Talem Abaotem Olketa Magasin

The Watchtower May 15

“Hao nao bae iu ansarem disfala kwestin? [Readim kwestin long kava. Then letem hem ansa.] Bible hem givim iumi hope. [Readim Matthew 6:​9, 10.] Disfala magasin storyim wei wea Kingdom bilong God bae mekem will bilong God kamap long earth.”

Awake! May

“Long tingting bilong iu, waswe, God disaedem finis wanem iumi bae duim and samting wea bae kasem iumi? [Letem hem ansa.] Disfala scripture from Bible showim hao God letem pipol for disaedem samting olketa bae duim long laef bilong olketa. [Readim Deuteronomy 30:19.] Disfala article storyim wanem Bible talem abaotem datfala subject.” Showim article wea start long page 12.

Wastaoa June 1

“Long world distaem wea fulap long trabol, plande pipol askem olketa kwestin olsem: ‘Why nao laef barava fulap witim olketa problem? Sapos God hem stap, why nao hem no duim eni samting for finisim wei for safa?’ Waswe, enitaem iu ting raonem datwan? [Letem hem ansa.] Disfala magasin hem garem olketa ansa from Bible for olketa kwestin hia wea barava encouragem man.” Readim 2 Timothy 3:16.

Awake! June

“Mi laek herem tingting bilong iu abaotem wanem disfala scripture hem talem. [Readim 1 Timothy 6:​10.] Long tingting bilong iu, waswe, pipol wea barava aftarem selen and olketa material samting kasem nogud samting from datwan? [Letem hem ansa.] Disfala magasin storyim olketa nogud samting wea kamaot from wei for aftarem riches.”