Wanem for Talem Abaotem Olketa Magasin

Wastaoa January-March

“Waswe, iu tingse hasband and waef wea followim disfala toktok long Bible bae helpem marit bilong tufala gohed gud? [Readim Job 31:1. Weit for hem ansa.] Disfala magasin storyim samfala samting wea Bible talem wea savve helpem hasband and waef for gohed strongim marit bilong tufala.” Showim story wea start long page 22.

Awake! February

“Plande pipol garem tingting hao God planim laef bilong iumi finis. Hao nao tingting bilong iu? [Weit for hem ansa.] Disfala scripture showimaot iumi wanwan savve chusim laef or dae. [Readim Deuteronomy 30:19.] Wanfala story insaed disfala magasin talem tru samting wea Bible talem abaotem hao God no disaedem finis laef bilong iumi wanwan.” Showim story wea start long page 12.

The Watchtower March 1

“Waswe, iu tingse God nao disaedem finis evri samting wea happen? [Weit for hem ansa.] Lukim wanem Bible talem abaotem diswan. [Readim Ecclesiastes 9:​11.] Disfala magasin storyim hao nomata God garem gudfala plan finis for disfala earth, hem no planim future bilong iumi wanwan, bikos iumiseleva nao mas chus.”

Awake! March

“Plande pipol distaem olketa wari abaotem selen, diswan hem barava tru long wei wea selen hem hard distaem. Waswe, iu ting olsem tu? [Weit for hem ansa.] Lukim trufala samting wea Bible talem abaotem diswan. [Readim 1 Timothy 6:​8, 10.] Disfala magasin givim samfala gud idea from Bible abaotem hao for iusim selen long gudfala wei mekem iumi no wari tumas.”