Wanem for Talem Abaotem Olketa Magasin

Wastaoa April-June

“Samfala buk talem Jesus no dae olsem Bible storyim bat sei hem marit and garem pikinini. Waswe, iu herem datwan tu? [Weit for hem ansa.] Hem important for savve long tru story. [Readim John 17:3.] Disfala article storyim olketa reason for trustim wanem Bible talem abaotem Jesus.” Storyim article wea start long page 26.

Awake! April

Readim Psalm 37:​9-​11. Then ask olsem: “Taem olketa samting wea disfala scripture storyim kamap tru, laef long disfala world bae hao? [Weit for hem ansa.] Disfala article hem storyim profesi wea savve encouragem iumi and why iumi lukim staka nogud samting wea happen distaem.” Storyim article wea start long page 20.

The Watchtower May 1

“Waswe, enitaem iu ting raonem why nao God letem wei for safa gohed? [Weit for hem ansa.] Lukim kwestin wea wanfala man wea raetem Bible askem wea semsem tu witim wanem staka pipol askem. [Readim Psalm 10:1.] Disfala magasin storyim wanem Bible talem abaotem why God letem wei for safa gohed, and wanem hem bae duim for finisim.”

Awake! May

“Staka laek for stop smoke bat olketa faendem hem hard tumas. Waswe, iu savve long eniwan wea laek stop for smoke? [Weit for hem ansa.] Samfala askem olketa fren and famili for helpem olketa. [Readim Ecclesiastes 4:​12a.] Disfala magasin storyim samfala idea wea savve helpem man for stop smoke.”