Wanem for Talem Abaotem Olketa Magasin

Wastaoa April-June

“Hem no isi for duim stret samting taem nara pipol forcem iumi for duim wanem olketa laekem. Long tingting bilong iu, wanem nao bae helpem iumi for no duim datwan? [Weit for hem ansa. Then readim Proverbs 29:25.] Wanfala story long disfala magasin hem storyim faevfala wei for fraet long God and no long man.” Showim story wea start long page 20.

Awake! April

“Staka marit brekdaon bikos olketa no faithful long marit partner bilong olketa. Waswe, iu tingse wei for followim disfala scripture savve helpem marit for stap gud for olowe? [Readim Matthew 5:​28. Weit for hem ansa.] Story insaed disfala magasin showim hao Bible savve helpem olketa wea marit for no duim adultery.” Showim story wea start long page 28.

The Watchtower May 1

“Iu tingse wanem nao savve mekem hem hard for man garem faith long God? [Weit for hem ansa.] Olsem disfala scripture talem, faith hem important. [Readim Hebrews 11:6.] Disfala magasin storyim fofala wei wea iumi savve followim for strongim faith bilong iumi.”

Awake! May

“Staka pipol distaem iusim medicine wea doctor givim long rong wei. Iu tingse why nao olsem? [Weit for hem ansa.] Bible storyim for olketa pikinini, wanfala main samting wea mekem diswan happen. [Readim Proverbs 13:20.] Disfala magasin storyim hao iu savve protectim iuseleva and famili bilong iu from diskaen nogud wei.”