Wanem for Talem

For Startim Bible Study Long First Saturday Long January

“Staka pipol distaem sei olketa Christian. Wanem nao main wei bilong olketa tru Christian?” [Weit for hem ansa.] Then givim hem wanfala Wastaoa bilong October-December and storyim mek-faev subheding long page 17 and readim wan or tufala scripture wea stap. Offerim magasin and markem taem for go bak for storyim ansa bilong eni nara kwestin long disfala article.

The Watchtower December 1

“Waswe, iu savve why nao staka natural disaster kamap distaem? [Weit for hem ansa.] Iu savve, Bible hem storyim finis wanfala taem wea staka disaster bae happen. [Readim Matthew 24:7, 8.] Disfala magasin hem ansarem thrifala kwestin. Why nao staka natural disaster hem happen distaem? Waswe, God iusim olketa natural disaster hia for panisim iumi? Waswe, iu savve long future God bae finisim evri natural disaster?”

Awake! December

Readim 2 Timothy 3:16. Then sei: “Disfala scripture hem sei evri toktok insaed long Bible hem kam from God. Wanem nao tingting bilong iu abaotem datwan? [Weit for hem ansa.] Bat iu savve, Bible nao hem wanfala buk wea pipol barava laek for distroem. Disfala magasin hem storyim samting wea pipol duim long history for trae distroem Bible and hao olketa trae for stopem pipol for readim. Hem storyim tu why pipol no savve distroem Bible.”