Wanem for Talem

For Startim Bible Study Long First Saturday Long August

“Evri Christian religion olketa duim baptism. Waswe, long tingting bilong iu, hem important for man baptaes? [Weit for hem ansa.] Disfala article storyim samfala samting wea iu bae laek savve abaotem diswan.” Then givim hem Wastaoa bilong July-September, storyim firstfala kwestin long page 16 and readim wan or tufala scripture. Offerim magasin and markem taem for go bak and storyim ansa bilong next kwestin.

The Watchtower July 1

Readim Psalm 65:⁠2. Then sei: “Staka pipol agree witim disfala toktok hao God hem ‘herem prea’ and olketa prea evriday. Bat samfala tingse sapos God hem stap, why nao pipol garem staka problem? Wanem nao tingting bilong iu? Iu tingse God herem prea bilong iumi? [Weit for hem ansa.] Disfala magasin storyim nao ansa from Bible for disfala kwestin: ‘Why nao God wea savve herem prea letem pipol for safa?’”

Awake! July

Showim haosholder piksa long page 2 and 3 and askem hem olsem: “Sapos iu garem paoa, which wan long olketa samting hia nao iu laek for finisim from disfala world? [Weit for hem ansa.] Bible talem why nao hem hard for man finisim olketa nogud samting hia. [Readim Jeremiah 10:23.] Disfala magasin storyim olketa samting wea God bae changem for kamap gud.”