Wanem for Talem

For Startim Bible Study Long First Saturday Long January

“Long tingting bilong iu, wanem nao bae happen long Judgment Day? [Weit for hem ansa.] Tingim wanem disfala magasin talem.” Then showim hem October-December Wastaoa, storyim mek-thri kwestin long page 17, and readim wan or tufala scripture. Offerim magasin and markem taem for go bak and storyim next kwestin.

The Watchtower December 1

“Long disfala taem bilong year, staka pipol savve hapi for celebratem Christmas. Iu tingse wanem samting long disfala list nao pipol tingim taem olketa celebratem Christmas? [Showim list long page 3 and weit for hem ansa. Then go long article wea storyim point wea hem chusim long datfala list and readim theme scripture.] Disfala magasin hem storyim olketa samting wea iumi savve duim for tingim Jesus evritaem, and no long taem bilong Christmas nomoa.”

Awake! December

“Mifala lukim staka pipol distaem kasem hevi and wari wea mekem olketa no savve patient. Waswe, iu tu luksavve wei wea pipol no patient distaem? [Weit for hem ansa.] Samfala pipol bilivim iumi stap long taem wea evri samting hem hard tumas for deal witim wea 2 Timothy 3:1 storyim. [Readim] Disfala magasin hem explainim why wei for no patient savve spoelem man, and hem storyim tu samfala samting wea savve helpem iumi for patient.”