Gudfala Taem for Herem Olketa Kingdom Song

Pipol bilong God tingim music hem wanfala naesfala present from Jehovah. (Jas. 1:17) Staka kongregeson savve pleim olketa Kingdom song bifor meeting start and bihaen long meeting tu. Taem iumi pleim olketa Kingdom song, datwan hem naesfala wei for welkamim evriwan long olketa meeting. Hem helpem iumi for redyim tingting bilong iumi for worship. And tu, taem iumi pleim olketa niu song insaed songbuk bilong iumi, diswan hem helpem iumi for savve long olketa song and for singsing stret followim music. Taem iumi pleim kaen music olsem bihaen long olketa meeting, datwan hem mekem evriwan hapi for story tugeta. Olketa elder long kongregeson nao shud mekem arrangement for pleim olketa music from Sing to Jehovah—Piano Accompaniment or Sing to Jehovah—Vocal Renditions bifor and bihaen long olketa meeting. Olketa shud mek sure music hia no laod tumas wea bae mekem hem hard for herem narawan story.