Wanem for Talem

For Startim Bible Study Long First Saturday Long June

“Wanem taem nao iumi shud celebratem dae bilong Jesus?” [Weit for hem ansa.] Then givim hem Wastaoa bilong April-June and storyim mek-tu kwestin long page 16 and readim wan or tufala scripture. Offerim magasin and markem taem for go bak and storyim ansa bilong next kwestin.

The Watchtower May 1

“Samfala sei hem gud for olketa bigman long religion and olketa bigman long gavman for waka tugeta, bat samfala narawan sei hem shud no olsem. Hao nao tingting bilong iu? [Weit for hem ansa.] Lukim wanem Jesus duim taem pipol laek mekem hem for kamap King long gavman bilong olketa. [Readim John 6:15.] Disfala magasin storyim why nao Jesus no laek kamap King long datfala taem and storyim tu nambawan wei for olketa Christian helpem pipol long community bilong olketa.”

Awake! May

“Mifala meetim staka pipol wea sei samfala taem samting wea no stret kasem olketa. Waswe, iu ting eniwan savve finisim olketa samting wea no stret? [Weit for hem ansa.] Lukim disfala scripture wea talem profesi abaotem wanfala ruler wea bae finisim evri samting wea no stret. [Readim Psalm 72:11-14.] Disfala magasin storyim hao Bible promisim klosap nao evri samting wea no stret bae finis.”