Wanem for Talem

For Startim Study Long First Saturday Long July

“Long taem for celebratem dae bilong Jesus, hu nao olketa wea savve kaikaim bred and drinkim wine?” [Weit for hem ansa.] Then givim hem Wastaoa bilong April-June, storyim mek-thri kwestin long page 17 and readim wan or tufala scripture. Offerim magasin and markem taem for go bak and storyim ansa bilong next kwestin.

The Watchtower June 1

“Disfala magasin hem storyim hao Bible hem wanfala spesol buk. [Tanem go long page 3, and point long list.] Long tingting bilong iu, which wan long fofala point hia nao hem storyim wanem kaen buk nao Bible? [Weit for hem ansa.] Lukim wanem Bible seleva talem abaotem diswan. [Readim Rome 15:4.] Disfala magasin storyim faevfala reason why Bible hem wanfala spesol buk and hem storyim hao hem savve helpem iumi.”

Awake! June

“Evri year staka million pipol raonem world kaikaim kaikai wea garem germ long hem and datwan mekem olketa sik. Long tingting bilong iu, iumi garem datkaen problem long hia? [Weit for hem ansa.] Disfala magasin storyim fofala samting wea iumi savve duim mekem famili bilong iumi no sik from olketa kaikaim kaikai wea garem germ. Hem storyim tu promis long Bible hao klosap nao evriwan bae garem staka healthy kaikai.” Readim Psalm 104:14, 15.