Wanem for Talem

For Startim Bible Study Long First Saturday Long December

“Staka pipol distaem sei olketa Christian. Hao nao bae iu luksavve long olketa tru Christian?” [Weit for hem ansa.] Then givim hem wanfala Wastaoa bilong October-December and storyim mek-foa subheding long page 17 and readim wan or tufala scripture wea stap. Offerim magasin and markem taem for go bak and storyim ansa bilong next kwestin.

The Watchtower November 1

“Long tingting bilong samfala pipol, samting wea Bible talem abaotem sex hem no fitim taem bilong iumi and hem strict tumas. Olketa narawan agree witim wanem Bible hem talem. Wanem nao tingting bilong iu abaotem diswan? [Weit for hem ansa.] Tingim gud samting wea iumi bae kasem sapos iumi followim wanem Bible hem talem. [Readim 2 Timothy 3:16.] Disfala magasin hem storyim tenfala kwestin wea pipol savve garem abaotem sex, and hem givim ansa from Bible for olketa kwestin hia.”

Awake! November

“Taem iumi lukim evri samting wea stap raonem iumi, waswe iumi tingse evri samting hia kamap seleva nomoa, or samwan nao wakem? [Weit for hem ansa.] Mi laek readim long iu from Bible samting wea wanfala man talem taem hem lukim evri samting wea stap raonem iumi. [Readim Romans 1:20.] Disfala magasin hem storyim wanem olketa scientist faendemaot abaotem cell long body bilong iumi olketa man wea showimaot samwan nao hem wakem iumi.”