Hao for Iusim Who Are Doing Jehovah’s Will Today?
Disfala Niu Brochure Hem for Helpem Olketa Bible Student Kam Long Organization Bilong Jehovah
1. Wanem nao thrifala goal bilong disfala brochure, Who Are Doing Jehovah’s Will Today?
1 Waswe, iu start finis for iusim disfala niu brochure, Who Are Doing Jehovah’s Will Today? Goal bilong disfala brochure hem for (1) helpem olketa Bible student for savve gud long iumi Olketa Jehovah’s Witness, (2) for helpem olketa savve abaotem waka bilong iumi, and (3) for helpem olketa savve hao organization bilong iumi hem waka. Disfala Who Are Doing Jehovah’s Will Today? brochure hem garem wanfala leson long each page, and iumi savve storyim insaed faev go kasem ten minute nomoa long end bilong each study.
2. Storyim wanem nao insaed long disfala brochure.
2 Wanem Insaed Disfala Brochure: Disfala brochure olketa divaedem long thrifala sekson, olsem paragraf 1 hem storyim. Hem garem 28 leson, and title bilong evri leson hem wanfala kwestin. Olketa subheding wea stap long raeting wea moa blak hem nao ansa bilong datfala kwestin. Disfala brochure hem garem olketa piksa from winim 50 kantri for showimaot waka wea iumi duim hem gohed long staka kantri. Samfala leson hia garem box wea title bilong hem “Find Out More,” wea garem olketa idea for encouragem student for duim samfala samting.
3. Hao nao iumi savve iusim disfala brochure, Who Are Doing Jehovah’s Will Today?
3 Hao for Iusim: Readim title bilong each leson wea hem wanfala kwestin. Then, taem iutufala readim datfala leson, mekhae long olketa subheding wea stap long raeting wea moa blak. Last samting, askem olketa kwestin wea stap long botom bilong page. Iu savve readim full leson wantaem or readim each paragraf and then storyim. Iu savve disaed which scripture nao for readim. Hem gud for storyim olketa piksa and olketa box wea garem title “Find Out More.” Sapos fitim, hem gud for start long leson 1 go kasem leson 28. Bat sapos need hem kamap, iu savve storyim nara leson. Olsem example, sapos wanfala assembly or convention bae kamap, iu savve go storyim leson 11.
4. Why nao iu hapi for iusim disfala niu brochure?
4 Taem iumi studyim Bible witim samwan, iumi helpem hem for savve long Dadi bilong iumi long heven. Bat iumi mas helpem hem for savve tu long organization bilong Jehovah. (Prov. 6:20) Iumi hapi tumas from iumi garem disfala niu brochure wea mekem hem isi for iumi duim diswan!