Waswe, Iu Savve Helpem Narawan for Duim Ministry?

Staka kongregeson garem samfala pablisa wea olo or garem big sik wea mekem olketa no fit for duim staka samting long ministry. (2 Cor. 4:16) Waswe, iu savve askem eni pablisa olsem for go witim iu long Bible study bilong iu? Sapos pablisa no savve go aot from haos, maet iu savve conductim Bible study bilong iu long haos bilong hem. Waswe, iu savve helpem wanfala pablisa wea sik for preach long tu-thri haos or go long return visit long territory wea klosap long haos bilong hem? Staka pablisa wea olo savve gud hao for duim ministry. So taem iu waka witim olketa, iu savve encouragem olketa and iu tu bae kasem gud samting from datwan. (Rom. 1:12) Jehovah bae blessim iu tu from iu showimaot love long olketa.—Prov. 19:17; 1 John 3:17, 18.