Kamap Gud Long Ministry​—Helpem Pablisa wea Iutufala Waka Tugeta

Why Hem Important: Jesus luksavve hem gud for waka witim narawan long preaching waka. Dastawe, taem hem sendem 70 disaepol for go firstaem long hem and preach, hem markem tufala man for waka tugeta. (Luke 10:1) Iumi savve helpem partner bilong iumi sapos hard samting kamap or hem no savve wanem for talem long haosholder. (Eccl. 4:9, 10) Hem savve iusim savve bilong hem for helpem partner, and samfala taem hem savve givim idea for helpem partner savve hao for preach. (Prov. 27:17) And tu, hem savve encouragem partner bilong hem long wei for storyim olketa gudfala samting taem tufala wakabaot from haos tu haos.​—Phil. 4:8.