Sapotim Pablisa wea Iu Waka Witim Long Haos tu Haos
1. Wanem gud samting nao iumi savve kasem taem iumi waka witim nara pablisa long preaching waka?
1 Long wanfala taem, Jesus sendem 70-fala disaepol for go preach, and hem “markem tufala man for waka tugeta.” (Luke 10:1) Iumi savve diswan strongim and helpem olketa disaepol bilong hem taem olketa preach. Taem iumi go witim nara pablisa long preaching waka, hao nao iumi savve helpem hem?
2. Taem pablisa wea iumi waka witim story witim haosholder, why nao hem gud for iumi lisin?
2 Wei for Lisin: Taem nara pablisa story witim haosholder, lisin gud. (Jas. 1:19) Sapos hem readim scripture, luk followim long Bible bilong iu. Nomata sapos pablisa wea iu waka witim or haosholder story, lukluk long hem. Sapos iu lisin gud long story, maet diswan savve encouragem tu haosholder for lisin.
3. Wanem taem nao pablisa wea iumi waka witim maet needim help bilong iumi?
3 Luksavve Taem for Iu Story: Taem nara pablisa story, iumi showimaot respect long hem taem iumi letem hem gohed for story. (Rom. 12:10) Iumi shud no katem story taem hem gohed story. Sapos pablisa forgetim wanem for storyim or haosholder askem kwestin wea pablisa needim help bilong iu for ansarem, trae for sapotim story bilong pablisa winim wei for storyim difren subject. (Prov. 16:23; Eccl. 3:1, 7) Sapos iumi laek for talem eni samting, iumi shud sapotim nao story wea nara pablisa storyim.—1 Cor. 14:8.
4. Wanem nao bae mekem iumi hapi and helpem pipol long ministry?
4 Taem 70-fala disaepol kam bak from preaching waka wea olketa waka tu bae tu, olketa “barava hapi.” (Luke 10:17) Taem iumi waka witim eni pablisa long haos tu haos, iumi tu bae hapi and helpem pipol long ministry taem iumi lisin and luksavve wanem taem for story.