Kwiktaem Mekem Arrangement

Start long taem wea iumi garem datfala niu Web site, staka pipol ask for Bible study long datfala Web site. And tu, niufala wei for duim pablik witnessing hem mekem staka pipol feel free for ask for studyim Bible. Taem olketa long branch office kasem information hia, olketa kwiktaem sendem datwan long olketa kongregeson. Olsem example, sapos eniwan iusim jw.org for ask for study, maet bihaen tufala day nomoa branch office savve pasim information long olketa elder wea stap long territory bilong datfala man. Bat luk olsem no eniwan go lukim yet samfala wea ask for studyim Bible, nomata bihaen samfala week. Wanem nao iumi savve duim for mek sure iumi helpem olketa bifor olketa lus interest?—Mark 4:14, 15.

Sapos samwan wea no stap long territory bilong iu hem interest for story moa abaotem Bible, kwiktaem fulimap datfala form, Plis Go Lukim Man Hia (S-43) and givim long secretary long next meeting. Secretary shud stretawe sendem datfala form long kongregeson wea fitim or iusim Congregation tab long jw.org for sendem datfala information long branch office. Olketa elder shud evritaem chekim Web site. Taem olketa kasem information abaotem eniwan wea interest, olketa mas kwiktaem arrangem samwan for go lukim hem. Pablisa wea olketa markem for duim datwan shud kwiktaem mekem arrangement for go lukim man hia. Sapos datfala man no stap long haos, pablisa savve raetem message and leavim long there for datfala man contactim hem.