Waswe, Iu Redi for Memorial?
Long morning bilong Nisan 13, 33 C.E., Jesus savve hem garem wanfala evening nomoa for stap witim olketa disaepol bilong hem bifor hem dae. Long datfala evening bilong Nisan 14, hem celebratem lastfala Pasova witim olketa, and then hem startim wanfala niu arrangement for celebratem Evening Kaikai Bilong Lord. Olketa mas redi gud for disfala important celebration. So Jesus talem Peter and John for redyim olketa samting for datwan. (Luke 22:7-13) Start kam long datfala taem, evri year olketa Christian redyim gud evri samting for Memorial. (Luke 22:19) Olketa wanem samting nao iumi savve duim for redi for Memorial wea bae kamap long April 3?
Wanem Olketa Pablisa Bae Duim:
Garem plan for duim moa samting long ministry long taem for givimaot Memorial invitation.
Raetem list bilong olketa wea iu laek for invaetem, olsem olketa Bible study, relative, skulfren, wakfren, and olketa narawan.
Readim and ting raonem olketa scripture wea olketa markem for Memorial.
Bifor iu go long Memorial, disaed for duim samting for welkamim olketa wea kam.