Kamap Gud Long Ministry—Preach Long Pipol wea Garem Difren Languis

Why Hem Important: Jehovah laekem pipol “long evri kantri long world” for savve long hem. (Acts 10:34, 35) Dastawe Jesus hem sei olketa bae preachim datfala gud nius long “evri ples long world” and long “pipol long evri kantri.” (Matt. 24:14) Zechariah hem sei pipol “from evri languis bilong olketa nation” bae acceptim datfala gud nius. (Zech. 8:23) Insaed long wanfala vision, aposol John hem lukim olketa wea laef bihaen datfala bigfala trabol olketa kam “from evri kantri and tribe and pipol and languis.” (Rev. 7:9, 13, 14) So sapos iumi meetim samwan long territory wea garem difren languis, iumi shud trae for preach long hem.