Organize for Preach lo Evriwan

Olsem hao Jehovah organizem olketa Israelite bifor, hem organizem tu pipol blo hem for duim waka blo hem. Evriwea lo world, olketa branch office, circuit, kongregeson, and olketa field service grup olketa waka tugeta for preachim disfala gud nius. Iumi preach lo evriwan, insaed diswan, hem olketa wea story lo difren languis.​—Re 14:6, 7.

Waswe, enitaem iu ting for lanem nara languis mekem iu savve helpem samwan for lanem truth? Nomata iu no garem taem for lanem wanfala languis, iu savve iusim JW Language app for iu lanem wanfala simpol presentation. Then, taem iu iusim lo ministry, iu maet experiencem sem hapi wea olketa brata lo first century kasem taem pipol from difren kantri sapraes for herem lo languis blo olketa gud nius abaotem “olketa nambawan samting wea God duim.”​—Ac 2:7-11.

WATCHIM VIDEO KAMAP FREN BILONG JEHOVAH​—PREACH LO DIFREN LANGUIS, AND THEN ANSAREM OLKETA KWESTIN HIA:

• 

  Wanem taem nao maet iu iusim JW Language app?

• 

  Wat nao samfala samting lo datfala app?

• 

  Wanem nao samfala languis pipol iusim lo territory blo iu?

• Wanem nao iu shud duim sapos samwan wea showimaot hem interest lo Kingdom message hem story lo nara languis?​—od-E 100-101 ¶39-41