DUIM GUD MINISTRY BILONG IU
Kamap Gud Long Ministry—Redyim Idea Bilong Iuseleva for Offerim Magasin
WHY HEM IMPORTANT: Olketa idea for offerim olketa pablikeson wea stap long first page bilong disfala meeting buk hem olsem aotlaen nomoa. Taem iu offerim pablikeson iu shud iusim toktok bilong iuseleva. Maet iu laek storyim difren subject or storyim nara subject wea iu tingse hem fitim pipol long territory bilong iu. Sapos olsem, bihaen iu readim magasin wea iu laek for storyim, iu ting raonem olketa idea wea stap long disfala meeting buk, and iu lukim video wea showim hao for offerim magasin, then iu savve followim olketa idea hia for redyim idea bilong iuseleva.
WANEM FOR DUIM:
Tingim diswan: ‘Waswe, iu laek for iusim idea wea stap long meeting buk for offerim magasin?’
YES
Disaedem wanem iu bae talem taem iu kasem haos. Then bihaen iu sei hello long haosholder and talem nem bilong iu, iu savve talem why iu kam long haos bilong hem. (Olsem example: “Mi kam for . . . ”)
Tingim toktok wea iu bae talem bihaen iu askem kwestin for lead go long scripture and wanem for talem bifor iu offerim magasin. (Olsem example: Bifor iu readim scripture, iu savve sei “Ansa for datfala kwestin hem stap long disfala scripture.”)
NOMOA
Chusim subject long magasin wea iu laek for storyim and wea fitim pipol long territory bilong iu
Tingim kwestin wea iu bae askem haosholder mekem hem talemaot tingting bilong hem and wea bae encouragem hem for story, bat bae hem no mekem hem for feel nogud. (Olsem example: Lukim kwestin wea stap long page 2 bilong olketa magasin.)
Chusim scripture wea iu laek for readim. (Sapos iu offerim Awake! magasin, iuseleva savve disaed sapos iu bae readim scripture or nomoa, bikos olketa wakem disfala magasin for pipol wea no tinghae long Bible or wea no tinghae long religion.)
Tingim wanem for talem wea bae mekem haosholder luksavve hao datfala article savve helpem hem
NOMATA HEM YES OR NOMOA
Redyim kwestin wea iu bae ansarem taem iu go for duim return visit
Raetem idea bilong iu mekem iu no forgetim wanem iu laek for storyim next taem