Iu Wakem Mifala Long Nambawan Wei

David ting raonem olketa nambawan wei bilong God wea showaot long olketa samting wea God wakem. Diswan mekem hem for laek praisem Jehovah long full laef bilong hem.

David praisem Jehovah taem hem ting raonem olketa samting wea Jehovah wakem. Hem sei:

139:14

• “Mi praisem iu bikos iu wakem mi long nambawan wei”

139:15

• “Iu lukim finis olketa bon bilong mi taem mi grow long ples wea no eniwan savve lukim mi”

139:16

• “Iu lukim mi finis bifor mi born. Bifor evri part long body bilong mi start for grow, iu raetem finis insaed long buk bilong iu”