Hao for Iusim Buk What Can the Bible Teach Us?

Datfala Teach Us buk and Wanem Bible Teachim buk, tufala klosap semsem. Datfala Teach Us buk hem no stap yet long Solomon Islands Pijin. Tufala buk hia wea iumi iusim for teachim pipol hem storyim olketa sem subject and followim sem order. Bat disfala Teach Us buk hem iusim olketa toktok wea simpol and isi for minim. Olketa wakem diswan for helpem olketa wea faendem hem hard for minim Wanem Bible Teachim buk. Disfala Teach Us buk hem no garem appendix, bat hem garem olketa endnote wea explainim mining bilong samfala toktok and idea wea stap long olketa paragraf. Buk hia no garem olketa review kwestin long start bilong olketa chapter and hem no garem review box, bat hem garem Summary long end bilong each chapter wea explainim olketa Bible truth wea datfala chapter storyim. Iumi savve offerim disfala Teach Us buk long enitaem nomata hem no offer for datfala month. Taem iumi conductim Bible study witim samwan insaed disfala Teach Us buk, hao nao for iusim Summary and Endnote?

SUMMARY: Disfala wei for readim paragraf and then pablisa askem kwestin long Wanem Bible Teachim buk hem gudfala wei for study. Bat waswe sapos datfala Bible study hem no savve gud long languis and hem no savve read gud? Sapos olsem, maet iu savve iusim Teach Us buk. Then iu savve iusim summary for duim study and encouragem Bible study for readim seleva datfala chapter. Each taem wea iutufala study, iufala savve studyim wanfala Bible truth insaed samting olsem 15 minute. From olketa summary hia no storyim evri information wea stap long datfala chapter, datwan minim pablisa mas prepare gud firstaem and tingim need bilong datfala Bible study. Sapos pablisa iusim olketa paragraf for duim study, hem savve iusim summary for duim review.

OLKETA ENDNOTE: Olketa endnote olketa olsem appendix wea stap long buk Wanem Bible Teachim. Pablisa savve disaed sapos hem laek for storyim information long olketa endnote bilong datfala Teach Us buk long taem bilong study.