Enjoyim Wei for Studyim Buk Wanem Nao Really Samting wea Bible Teachim?
1 Wanfala interesting samting long “Obeyim God” Distrik Convention hem nao release bilong disfala buk Wanem Nao Really Samting wea Bible Teachim? long English. From iumi bae iusim disfala buk plande taem long field ministry, especially taem iumi conductim olketa Bible study, iumi need for savve gud wanem nao insaed long hem. Iumi fit for duim datwan from iumi bae studyim disfala buk long Kongregeson Buk Study start long week bilong December 3, 2007.
2 Kongregeson Buk Study overseer bae storyim olketa kwestin wea stap long start bilong each chapter. Then hem bae iusim olketa kwestin long botom bilong each page for conductim study. Iumi bae readim and story raonem olketa scripture wea sapotim olketa main point, and datfala box “Samting wea Bible Teachim” long end bilong each chapter bae helpem iumi for reviewim datfala information bikos hem garem olketa ansa from Bible for olketa kwestin wea stap long start bilong each chapter. Bae iu barava enjoyim wei for givim koment, from disfala buk hem storyim olketa subject long wei wea klia, simpol, and interesting.
3 Appendix bilong disfala buk hem givim moa information long olketa difren subject. Bae iumi savve iusim appendix taem olketa Bible student needim moa information abaotem wanfala subject. Samfala taem bae iumi storyim olketa part bilong appendix long taem bilong Kongregeson Buk Study. Buk study reader bae readim evri information bilong each subject insaed appendix, and olketa article insaed appendix wea long tumas hem savve readim followim each sekson. Olketa study kwestin hem no stap long appendix. Bat overseer savve givim chance for olketa wea attend for koment taem hem askem olketa kwestin wea mekhae long olketa main point.
4 Taem iumi studyim Wanem Bible Teachim buk long Kongregeson Buk Study, iumi bae go thru long datfala information lelebet kwiktaem. Bat datwan no minim iumi mas duim olsem taem iumi study witim narawan, especially sapos man hem garem lelebet savve nomoa or no savve abaotem Bible. (Acts 26:28, 29) Taem iumi conductim olketa Bible study, iumi need for iusim moa taem for story raonem olketa scripture, explainim olketa tokpiksa, and olketa nara samting tu. So markem goal for attendim buk study evri week and for givim olketa koment taem iumi studyim disfala buk Wanem Nao Really Samting wea Bible Teachim?