LAEF BILONG CHRISTIAN
Olketa Young Wan, No Misstim Chance for Duim Staka Waka
Staka taem iumi no tingim bae wanday iumi kamap olo and kasem olketa hard samting wea kasem olketa olo long disfala world bilong Satan. (Ec 12:1) Sapos iu wanfala young wan, waswe, hem wise for tingse staka taem stap yet for aftarem olketa spiritual goal olsem full-taem service?
“Samting wea seknomoa happen” savve kasem iumi evriwan, and nomata olketa young wan tu. (Ec 9:11) “Iufala no savve wanem nao bae kasem iufala tumoro.” (Jas 4:14) So no ting for weit firstaem and bihaen nao bae iu aftarem olketa spiritual goal. Taem iu fit for duim staka waka wea stap distaem, no hol bak for duim. (1Co 16:9) Iu bae no sorre bihaen.
Samfala spiritual goal wea iu savve markem:
Lanem nara languis mekem iu savve preach long pipol wea iusim datfala languis
Pioneer waka
Attendim olketa theocratic skul
Construction waka
Waka long Bethel
Circuit waka