LAEF BILONG CHRISTIAN
Showim Gudfala Wei Taem Iumi Long Haos Bilong Pipol
Pipol long world lukluk long wanem iumi olketa Christian duim. (1Co 4:9) Dastawe, samfala haosholder bae lukluk kam long iumi from wanfala window or herehere kam bihaen long door. Maet haos garem security camera and microphone wea mekem man long haos fit for lukluk kam, lisin, or recordim toktok bilong iumi and wanem iumi duim. So iumi mas showimaot gudfala wei taem iumi go long haos bilong pipol. Samfala idea nao long hia.—2Co 6:3.
WEI BILONG IUMI (Php 1:27):
Respectim man long haos and no lukluk go insaed haos bilong hem. No kaikai, drink, story long telephone, or sendem text message taem iu standap front haos bilong man
TOKTOK BILONG IUMI (Eph 4:29):
Taem iumi standap front haos bilong eniwan, no storyim samting wea no fitim haosholder for herem datwan. Taem samfala pablisa kasem wanfala haos olketa disaed for no story long partner, mekem hem savve tingting gud abaotem wanem hem bae storyim long haosholder