Kamap Gud Long Ministry—Iusim Brochure Gud Nius From God! for Startim Bible Study

Why Hem Important: Iumi garem responsibility for teachim pipol for kamap disaepol. (Matt. 28:19, 20) Iumi evriwan savve kamap gudfala teacher sapos iumi iusim olketa tul wea organization bilong God provaedem. Datfala brochure Gud Nius From God! savve helpem iumi for teachim Bible long nara pipol. Iumi savve iusim brochure hia for startim Bible study long firstaem wea iumi meetim samwan.

Samting for Duim Disfala Month:

Askem Jehovah for mekem iu laek garem wanfala Bible study. And tu, askem Jehovah for helpem iu startim wanfala Bible study, and for kamap gudfala teacher.—Phil. 2:13.
Taem iu duim famili worship or study seleva, lanem gud disfala idea long box long daon. Diswan bae helpem iu for story from heart long ministry and startim Bible study.