Gohed Hapi for Weitim Kingdom and No Givap

Waswe, longtaem nao iu weitim Kingdom bilong God for kam? Waswe, iu no givap and gohed weitim datwan nomata iu feisim olketa hard samting? (Ro 8:25) Samfala Christian feisim olketa nogud samting olsem pipol heitim olketa, duim nogud samting long olketa, putim olketa long prison, or laek killim olketa dae. Olketa narawan kasem bigfala sik or wei for olo.

Wanem nao bae helpem iumi for gohed weit and hapi nomata iumi feisim olketa hard taem? Iumi mas gohed strongim faith bilong iumi long wei for readim Bible evriday and ting raonem wanem iumi readim. Iumi mas evritaem tingim hope wea iumi garem. (2Co 4:16-18; Heb 12:2) Taem iumi prea, iumi mas storyim evri samting long Jehovah and barava askem holy spirit bilong hem for helpem iumi. (Lu 11:10, 13; Heb 5:7) Dadi wea lovem iumi savve helpem iumi for “nating givap and . . . gohed for patient and hapi.”—Col 1:11.

LUKIM VIDEO IUMI MAS “NO GIVAP FOR RAN”—BARAVA TRUSTIM IU BAE KASEM PRIZE, THEN ANSAREM OLKETA KWESTIN HIA:

• 

  Olketa wanem samting nao savve seknomoa happen long iumi? (Eklesiastes 9:11)

• 

  Hao nao prea savve helpem iumi taem iumi feisim olketa hard samting?

• 

  Sapos iumi no savve duim staka samting long service bilong Jehovah olsem bifor, why nao iumi shud tingim nomoa wanem iumi savve duim distaem?

• 

  Wanem nao helpem iu for barava sure iu bae kasem datfala prize?