Kamap Gud lo Ministry​—Iusim Phone for Preach

WHY HEM IMPORTANT: Wanfala important wei for “talemaot long evriwan gud nius” hem for iusim phone for preach. (Ac 20:24)a Diswan helpem iumi for preach lo pipol wea iumi no savve meetim olketa lo haos blo olketa.

WANEM FOR DUIM:

• 

  Prepare. Tingim subject wea bae mekem haosholder interest. Then raetem idea lo wanem iu bae talem. Hem gud for putim evri samting wea iu needim lo tebol, olsem tablet or touch screen wea open finis lo JW Library^® or jw.org^®

• 

  No Fraet. Story lo natural wei. Smile and story olsem man hem stap lo there. Trae for mekem story hem flow. Hem gud for narawan joinim iu taem iu preach lo phone. Taem haosholder askem kwestin, talem big moa kwestin hia mekem partner blo iu helpem iu for faendem ansa

• 

  Trae for garem return visit. Sapos samwan showimaot interest iu savve askem kwestin for iu ansarem next taem iu ringim hem. Iu savve offer for sendem wanfala buk or magasin lo e-mail, or postim, or iu savve tekem go lo hem. Nara samting, iu savve sei bae iu sendem wanfala video or article lo text or e-mail. Sapos fitim, storyim Online Bible Study Lessons lo English languis, or eni nara samting lo website.