LAEF BLO CHRISTIAN
Iumi Showimaot Love Taem Iumi Sapotim Arrangement for Disfellowship
Taem samwan disfellowship, datwan disciplinem man wea no repent and protectim kongregeson. (1Co 5:6, 11) Taem iumi sapotim disfala arrangement, iumi showimaot love. Bat hao nao samting wea mekem olketa famili member and judicial komiti for feel sorre showimaot love?
Taem evriwan followim disfala arrangement datwan showimaot iumi lovem Jehovah, tinghae lo nem blo hem, and tinghae lo olketa holy standard blo hem. (1Pe 1:14-16) Iumi showimaot love tu lo man wea disfellowship. Discipline hia savve helpem hem for kamap “raeteous” moa. (Heb 12:5, 6, 11) Bat sapos iumi associate witim samwan wea disfellowship or wea disassociate, iumi showimaot iumi no sapotim disfala arrangement. Tingim, Jehovah disciplinem pipol blo hem ‘fitim sin blo olketa.’ (Jeremaea 30:11) Iumi laek gohed sapotim disfala arrangement for disfellowshipim samwan and gohed strong lo spiritual wei. Bat lo semtaem iumi gohed for hope datfala man bae kam bak lo Jehovah wea bae showim mercy lo hem.—Aesaea 1:16-18; 55:7.
LUKIM VIDEO GOHED FAITHFUL LO JEHOVAH, THEN ANSAREM OLKETA KWESTIN HIA:
Hao nao parents savve feel taem pikinini lusim Jehovah?
Hao nao kongregeson savve sapotim famili lo taem olsem?
Wanem story lo Bible nao showimaot hem important for lovem Jehovah winim famili member?
Hao nao iumi savve showimaot iumi lovem Jehovah winim famili member wea disfellowship?