Discipline​—Wanfala Wei wea Jehovah Showimaot Love

Really, discipline hem minim for givim instruction and for teachim man, bat lo semtaem hem for stretem man tu. Jehovah disciplinem iumi mekem iumi savve worshipim hem lo wei wea hem acceptim. (Ro 12:1; Heb 12:10, 11) Samfala taem, maet hem no isi for acceptim discipline, bat hem savve mekem man for kamap raeteous and kasem blessing. (Pr 10:7, NW) Wanem nao olketa wea givim and kasem discipline mas evritaem tingim?

Man wea givim. Olketa elder, parents, and olketa narawan wea givim discipline mas kaen and showimaot love olsem Jehovah. (Jeremaea 46:28) Nomata hem wanfala strong discipline wea fitim wanem man duim, love nao mas muvim hem for duim datwan.​—Tit 1:13.

Man wea kasem. Nomata wanem kaen discipline nao iumi kasem, iumi shud no rejectim bat stretawe followim datwan. (Provebs 3:11, 12) From iumi no perfect, iumi evriwan needim discipline. Iumi savve kasem lo olketa didifren wei. Iumi maet kasem discipline thru lo wanem iumi readim lo Bible or iumi herem lo olketa kongregeson meeting. Or samfala taem, iumi needim discipline from wanfala judicial komiti. Wei for followim discipline savve leadim iumi for kasem laef.​—Provebs 10:17.

WATCHIM VIDEO “JEHOVAH HEM STRETEM MAN WEA HEM LOVEM,” AND THEN ANSAREM OLKETA KWESTIN HIA:

• 

  Hao nao laef blo Canon lo firstaem, and hao nao datwan change?

• 

  Wanem discipline wea showimaot love nao hem kasem from Jehovah?

• 

  Wanem leson nao iumi lanem from experience blo hem?