Go lo JW.ORG for Faendem Wisdom wea Helpem Iumi Evriday

Word blo God barava redyim iumi for deal witim olketa test wea iumi kasem lo last day distaem. (2Ti 3:1, 16, 17) Nomata olsem, staka taem iumi still needim help for faendem olketa Bible principle wea fitim situation wea kamap. For example, waswe, iu mami or dadi wea needim advaes lo hao for trainim pikinini? Waswe, iu teenager wea kasem olketa challenge wea testim faith blo iu? Waswe, iu wanfala widow wea barava sorre from marit partner blo iu dae? Iu bae faendem olketa information lo jw.org wea showim olketa Bible principle wea bae helpem iu lo olketa samting hia, and olketa nara situation tu.​—Pr 2:3-6 NWT.

Go lo jw.org, click lo WANEM BIBLE TEACHIM tab. (Lukim piksa 1.) From drop-daon list, chusim sekson wea iu laekem. Or clickim LIBRARY > OLKETA ARTICLE and chusim sekson wea iu laekem. (Lukim piksa 2.) Iu savve lukim olketa sem sekson hia tu lo JW Library^®.a Maet iu laek for lukluk lo olketa nara article lo tufala ples hia tu, lo jw.org and JW Library^®. Narafala wei for faendem wanfala topic wea iu interest lo hem, hem for iusim search box lo jw.org.

Typem olketa topic hia lo search box, and chusim olketa article wea iu laek for readim.

• Trainim pikinini

• Teenage depression

• Taem marit partner dae