Idea For Iusim Website

Faendem Olketa Article lo Home Page

Staka brata and sista iusim olketa article wea stap lo jw.org home page lo ministry. Hem isi for sendem olketa electronic copy, and staka taem olketa article hia storyim olketa samting wea happen wea fulfillim Bible profesi. Wanfala brata raet and sei olketa article lo home page “hem barava fitim hao iumi duim ministry distaem.”

Bat staka taem olketa article savve change. So hao nao iu savve faendem olketa article wea no stap nao lo home page?

• Lo home page blo jw.org, clickim link “Lukim Samfala Moa” wea stap klosap top blo page. Disfala link bae openem page wea garem title “Samting wea Kamap Finis lo Home Page.” Lo disfala page bae iu lukim tu staka latest article wea kamap finis lo home page.

• Lo jw.org or lo JW Library^®, clickim “Library,” then “Article Series,” and clickim “Samfala Topic Moa.” Lo disfala sekson hem garem staka nara article wea bin stap lo home page.