LAEF BLO CHRISTIAN
Olketa Waka Hard for Helpem Iumi
Olketa circuit overseer and waef blo olketa showimaot love for olketa brata and sista wea olketa savve visitim olketa. Olketa olsem iumi nomoa, olketa savve needim tu samfala samting and samfala taem olketa taed, feel discourage, and wari tu. (Jas 5:17) Nomata olsem, each week olketa tingim hao for encouragem olketa brata and sista lo kongregeson wea olketa visitim. Olketa circuit overseer fit for “kasem bigfala respect.”—1Ti 5:17.
Taem aposol Paul plan for visitim olketa lo kongregeson lo Rome, for ‘storyim samting for helpem olketa fren witim God,’ hem barava luk forward for “evriwan strongim” each other. (Ro 1:11, 12) Hao, iu ting abaotem tu hao for iu encouragem circuit overseer blo iu and waef blo hem, if hem marit?
WATCHIM VIDEO LAEF BLO CIRCUIT OVERSEER LO RURAL AREA, AND THEN ANSAREM OLKETA KWESTIN HIA:
Lo olketa wanem wei nao olketa circuit overseer and waef blo olketa, showimaot love for olketa lo kongregeson?
Hao nao iuseleva kasem gud samting from hard waka blo olketa?
Hao nao iumi savve encouragem olketa?