Spesol Campaign lo September for Startim Olketa Bible Study

Lo September, bae iumi duim best blo iumi for iusim Enjoyim Laef for Olowe! brochure for startim olketa Bible study lo evriwan wea iumi story witim. Sapos pablisa disaed for auxiliary pioneer lo datfala month, hem savve kasem 30-hour nomoa. Hao nao bae iumi duim disfala spesol campaign?

• Firstaem Iumi Preach lo Man: Iusim bak kava lo brochure for startim story, and sapos fitim, showim hem hao for duim study. No forget for offerim study lo olketa wea interest bifor, and olketa return visit tu. Nomata olketa no interest for study bifor, maet distaem bae olketa interest bikos lo disfala niu wei for study and niu brochure. Iumi shud no leavim brochure lo haos wea no eniwan stap, and iumi savve sendem lo leta only sapos man hem interest. Kongregeson Service Komiti savve arrangem samfala extra day for preach lo datfala month.

• Olketa Nara Chance: Sapos kongregeson blo iu iusim trolley, hem gud for displayim Enjoyim Laef for Olowe! brochure. Talem lo olketa wea interest hao iumi savve iusim disfala brochure for duim free Bible study course. For tu-thri minute, showim hem hao for duim study or mekem arrangement for duim datwan bihaen. Service overseer savve mekem arrangement for olketa pablisa wea qualify for duim bisnis territory and offerim olketa Bible study. Iu savve offerim Bible study lo olketa waka mate or eniwan wea iumi story witim.

Jesus komandim iumi for teachim pipol for kamap disaepol. (Mt 28:19, 20) Goal blo iumi lo disfala spesol campaign hem for iusim Enjoyim Laef for Olowe! for duim datwan.