God Tingim Iu

Samting wea important, Bible storyim hao Creator blo iumi, Jehovah God,a minim tingting and feeling blo iumi winim eni narawan. Hem barava laek for helpem iumi deal witim eni hard taem wea iumi feisim. For example, tingim tufala Bible scripture hia wea savve comfortim iumi:

“Jehovah hem stap kolsap long olketa pipol wea i sore tumas. Ya, hemi gohed fo sevem olketa pipol wea tingting blong olketa hemi godaon finis.”​—SAMS 34:18, SIPB.

“Mi nao [Jehovah], God blong yufala! Mi nao mi stap wetem yufala an holetaet long raet han blong yufala, an mi tok olsem long yufala, ‘Yufala no fraet, bae mi helpem yufala.’”​—AESAEA 41:13, SIPB.

Hao nao Jehovah helpem iumi for deal witim mental health problem? Olsem iu bae lukim lo disfala magasin, Jehovah duim staka difren samting for helpem iumi wea showim hem tingim iumi.